Interesimi i jashtëzakonshëm i qytetarëve për edicionin e sivjetmë të Hardh Fest ka tejkaluar të gjitha parashikimet, duke bërë që hapësira ku po mbahet festivali në Rahovec të mbushet në kapacitet të plotë. Për shkak të numrit të madh të pjesëmarrësve, Policia ka bllokuar përkohësisht hyrjen kryesore të festivalit, me qëllim që të menaxhohet fluksi i madh i njerëzve dhe të sigurohet qarkullimi i rregullt në zonën përreth. Masat janë ndërmarrë derisa situata të stabilizohet, ndërsa numri i madh i pjesëmarrësve ka shkaktuar edhe vështirësi në qarkullim.
Edhe kur jemi pranë mesnatës, fluksi i automjeteve mbetet i jashtëzakonshëm, me kolona të gjata të krijuara pranë hapësirës ku po zhvillohet festivali. Interesimi i madh për Hardh Fest ka bërë që Rahoveci sonte të jetë një nga pikat kryesore
